Ponpe ak Konsève Lèt Ou

Fason ou ponpe ak konsève lèt matènèl depann ak ki rapidite ou vle itilize li. Si ou pa kapab bay tibebe w la tete dirèkteman, li enpòtan pou w retire lèt la pandan moman tibebe w la nòmalman pran tete. Sa ap ede w kontinye pwodui lèt.

Fason Pou Ou Tire Lèt Ou ak Men oswa Ponp

Klike anba a pou aprann plis sou diferan fason pou w tire lèt.

hand-expierence
TIRE LÈT AK MEN
pump
PONP MANYÈL
electric pump
PONP TETE ELEKTRIK

Konsève Lèt Ou

LÈT MATÈNÈL KA KONSÈVE NAN:

  • Boutèy an vè ki pwòp avèk kouvèti ki byen sere
  • Boutèy an plastik di san BPA ki gen kouvèti ki byen sere
  • Sak pou konsève lèt, ki fèt pou lèt matènèl ki konjele

* Pa janm konsève lèt matènèl nan boutèy jetab oswa sak plastik ki pa fèt pou konsève lèt matènèl.

Lokal ak Tanperati pou Konsève


Jiska 4 èdtan


1-2 èdtan


Itilize nan 2 èdtan apre tibebe a fini bwè. Apre de èdtan, lèt matènèl ki rete dwe jete.


Jiska 4 èdtan


1-2 èdtan


Itilize nan 2 èdtan apre tibebe a fini bwè. Apre de èdtan, lèt matènèl ki rete dwe jete.


Nan 6 mwa li pi bon.
Jiska 12 mwa akseptab.


PA JANM rekonjele lèt matènèl apre li fin dekonjele.


Itilize nan 2 èdtan apre tibebe a fini bwè. Apre de èdtan, lèt matènèl ki rete dwe jete.

ANVAN OU TIRE OSWA MANIPILE LÈT MATÈNÈL

  • Lave men w avèk savon ak dlo
  • Si w itilize ponp, asire twous ponp lan ak tib la pwòp

APRE CHAK PONPAJ

  • Mete etikèt sou veso konsèv la avèk dat la
  • Glase oswa refwadi lèt la touswit apre ou fin tire l
  • Konsève lèt matènèl nan yon sak izotèmik avèk yon pake glas pou jiska 24 èdtan

KONSÈY POU KONJELE LÈT

  • Konjele lèt matènèl nan ti kantite 2 a 4 ons (oswa kantite ou pral bay nan yon alètman) pou evite gaspiyaj lèt ki ka pa fini
  • Eseye kite yon pous oswa apeprè ant lèt la ak tèt veso a
  • Konsève lèt la pa anndan frizè a

KONSÈY POU DEKONJELE AK CHOFE LÈT

  • Itilize lèt konsève ki pi ansyen an anvan.
  • Ou ka dekonje lèt konjele a nan frijidè a lannuit, kite sak lèt konjele a anba dlo cho k ap koule oswa mete nan yon veso ki gen dlo cho. Teste tanperati a nan vide anpe sou pwanyè ou. Li ta dwe lejèman cho.
  • Jwenn bon tanperati lèt pou tibebe w la. Lèt matènèl pa nesesèman bezwen chofe. Gen kèk manman ki prefere detann yo epi sèvi li nan tanperati chanm.
  • Pa mete bibwon oswa sak lèt matènèl dirèkteman nan etajè a oswa nan mikwo-onn lan. Lèt nan mikwo-onn kreye pwen cho ki ka boule tibebe w la ak andomaje lèt la.
  • Ajite lèt matènèl la pou melanje grès la. Sekwe lèt la se pa yon bagay ki rekòmande akòz li ka dekonpoze kèk pati presye nan lèt la.
  • Itilize lèt matènèl dekonjele nan 24 èdtan (sa vle di apati lè li pa konjele ankò oswa li konplètman dekonjele, se pa apati lè ou te retire l nan frizè a). Pa tounen konjele lèt matènèl ou te dekonjele a.

Byen Netwaye Ekipman Ponp lan

  • Demonte tib ponp lan ak separe tout pati ki gen kontak avèk tete w ak lèt la.
  • Rense pati ponp lan lè w kenbe yo anba dlo k ap koule a pou retire rès lèt la.
  • Pa mete oswa lave pati yo nan lavabo a. Jèm ki nan lavabo a ka kontamine pati yo.
  • Netwaye plizyè pati ponp lan yo nan lav-vesèl la oswa avèk men w nan yon basen pwòp avèk savon ak dlo.
  • Seche pati yo nan lè sou yon tòchon pwòp oswa sèvyèt an papye.
  • Itilize men ki pwòp, sere pati yo nan yon zòn ki pwòp ak pwoteje.
  • Jete ak ranplase tib ki gen mwazi a touswit.
  • Si w ap itilize yon ponp pataje, netwaye kadran ponp lan, bouton kouran an ak kontwa a avèk yon sèvyèt ki dezenfekte. Twous ponp lan pa ta dwe pataje.

Dezenfekte pou plis sekirite:

Dezenfekte plizyè pati ponp lan, lavabo a ak bwòs boutèy la yon fwa pa jou apre ou fin netwaye yo. Atik yo kapab dezenfekte avèk vapè, dlo bouyi oswa yon lav-vesèl ki gen pati dezenfektan.

Dezenfekte trè enpòtan si tibebe w la gen mwens pase 3 mwa, si li te fèt anvan lè oswa si li gen yon sistèm iminitè fèb akòz maladi oswa tretman medikal.

hand-expierence

TIRE LÈT AK MEN

Kijan sa fonksyone

Itilize men w pou fè masaj dousman ak konprès sou tete w pou retire lèt la.

Sa li enplike

  • Mande pratik, konpetans ak kowòdinasyon.
  • Vin pi fasil avèk pratik epi kapab osi rapid ke ponpe.
  • Bon si ou pa souvan lwen tibebe w la oswa si ou bezwen yon opsyon ki toujou avèk ou. Tout manman ta dwe konnen kijan pou yo tire lèt ak men yo nan ka yo bezwen fè sa sanzatann.

Kou Mwayen

Gratis

pump

PONP MANYÈL

Kijan li fonksyone

Itilize men w ak pwanyè w pou manipile yon aparèy pòtatif pou ponpe lèt la.

Sa li enplike

  • Mande pratik, konpetans ak kowòdinasyon. Itil pou ponpaj okazyonèl si ou lwen tibebe w la sèlman yon lè konsa.
  • Ka mete w nan risk pou gen enfeksyon tete.

Kou Mayen

$30 a $50 (ka gen asirans ki kouvri l)

electric pump

PONP TETE ELEKTRIK

Kijan li fonksyone

Fonksyone ak batri oswa ploge nan priz elektrik.

Sa li enplike

  • Kapab pi fasil pou kèk manman.
  • Kapab ponpe youn oswa tou de tete yo an menm tan. Doub ponpaj ka kolekte plis lèt nan mwens tan, sa ki itil si w ap tounen nan travay oswa lekòl.
  • Bezwen yon plas pou netwaye ak konsève ekipman an apre itilizasyon.

Kou Mwayen

$150 ak plis pase $250 (asirans souvan kouvri l)

Side-Lying

POZISYON KOUCHE SOU KOTE

  1. Pou tete dwat la, kouche sou bò dwat ou avèk tibebe w la ki ba w fas.
  2. Rale tibebe w la toupre w. Bouch tibebe w la ta dwe nan nivo pwent tete w.
  3. Nan pozisyon sa, ou ka bèse do tibebe w la avèk bra gòch epi soutni tèt ou avèk bra dwa ou ak/oswa zòrye yo.
  4. Kenbe gwo rad ak rad kabann yo lwen tibebe w la.
  5. Chanje pou tete gòch la.

Pozisyon sa itil lè:

  • Ou te gen yon sezaryèn
  • Ou vle repoze pandan w ap bay tibebe a tete.
  • W ap bay tete nan mitan lannuit.
  • Ou menm ak tibebe w la konfòtab nan pozisyon sa
cross-cradle

POZISYON TRANSVÈSAL

  1. Pou tete dwat la, itilize bra goch ou pou kenbe tèt tibebe w la nan tete dwat ou ak kò bebe a nan direkyon bò gòch ou. Yon zòrye sou janm ou ka ede sipòte bra gòch ou.
  2. Mete men gòch ou dousman dèyè zòrèy ak kou tibebe w la, kote pous ak endèks ou dèyè chak zòrèy epi pla men ou ant omoplat tibebe a. Vire kò tibebe a nan sans kò w pou vant ou yo ka ap touche.
  3. Kenbe tete ou tankou ou t ap peze yon sandwich. Pou pwoteje do w, evite bese nan direksyon tibebe w la. Olye de sa, rale tibebe w la sou ou.
  4. Pandan bouch tibebe w la ouvri, pouse dousman avèk pla men gòch ou sou tèt tibebe a pou ede li pran tete a. Asire ou kenbe dwèt ou yo lwen.
  5. Chanje pou tete gòch la.

Pozisyon sa itil lè:

  • Tibebe w la prematire
  • Tibebe w la souse fèb
  • Tibebe w la bezwen èd pou li rete nan tete a
  • Tibebe a la bezwen sipò anplis pou tèt
  • Ou menm ak tibebe w la konfòtab nan pozisyon sa a
Football

POZISYON ANBREYAJ OSWA “FOUTBÒL AMERIKEN”

  1. Pou tete dwat la, kenbe nivo tibebe w la, fas devan sou kote dwat ou.
  2. Mete tèt tibebe w la toupre pwent tete w epi sipòte do li ak janm li anba bra dwat ou.
  3. Kenbe baz tèt tibebe w la avèk pla men dwat ou. Yon zòrye anba bra dwat ou ka ede sipòte pwa tibebe w la.
  4. Pou pwoteje do w, evite bese nan direksyon tibebe w la. Rale li vin jwenn ou pito.
  5. Chanje pou tete gòch la.

Pozisyon sa itil lè:

  • Ou te fè sezaryèn
  • Ou gen gwo tete
  • Ou gen pwent tete plat oswa envèse
  • Ou gen gwo kantite lèt ki desann
  • W ap bay jimo tete
  • Tibebe w la renmen manje nan pozisyon vètikal
  • Tibebe w la gen refliks
  • Ou menm ak tibebe w la konfòtab nan pozisyon sa a
CRADLE hold

POZISYON BÈSO

  1. Pou tete dwat la, bèse tibebe w la avèk bra dwat ou. Tibebe w la pral sou bò gòch li sou janm ou, fas li nan nivo pwent tete a.
  2. Tèt tibebe w la pral repoze sou avanbra dwat ou kote do tibebe w la ap nan pati pa anndan bra ak pla men ou.
  3. Vire vant tibebe w la nan direksyon vant ou. Men gòch ou lib pou sipòte tete w, si nesesè. Zòrye yo kapab ede sipòte bra ak koud ou.
  4. Pou pwoteje do w, evite bese nan direksyon tibebe w la. Olye de sa, rale tibebe w la sou ou.
  5. Chanje pou tete gòch la.

Pozisyon sa itil lè:

  • Tibebe w la bezwen èd pou li pran tete w
  • Ou menm ak tibebe w la konfòtab nan pozisyon sa
laid-back

POZISYON KAGE

  1. Panche pa dèyè sou yon zòrye kote vant tibebe w la touche pa w epi tèt li nan nivo bra a. Gen kèk manman ki twouve chita prèske drèt fonksyone byen. Lòt yo prefere panche dèyè epi kouche prèske plat.
  2. Ou ka mete machwè tibebe w la sou tete w oswa ou ka vle itilize yon men pou kenbe tete w toupre tibebe w la. Sa depann de ou ak sa ou santi ki mye a.
  3. Tibebe w la natirèlman ap jwenn pwent tete w epi kòmane souse.

Pozisyon kenbe sa itil lè:

  • Mete tibebe w la sou pwatrin ou touswit apre li fin fèt
  • Ou gen bonkou lèt k ap desann
  • Ou gen gwo tete
  • Ou menm ak tibebe w la konfòtab nan pozisyon sa