Bay tete ofri tibebe w yo yon depa sen nan lavi epi li benefisye manman yo tou!
Avantaj pou Tibebe yo
LÈT OU CHANJE PANDAN TIBEBE W LA AP GRANDI
Lèt
Premye lèt ou pwodui pandan gwosès la ak jis apre akouchman an rele kolostwòm. Li epè epi gen koulè jòn dore. Lèt sa trè nitritif epi gen antikò pou anpeche tibebe w la tonbe malad. Li ede sistèm dijestif nouvo tibebe a tou devlope ak fonksyone byen.
Anviwon 3 a 5 jou apre akouchman, kolostwòm nan chanje an lèt mati. Lèt mati a blan epi parèt pi epè pase kolostwòm nan. Li gen apèn bon kantite grès, sik, dlo ak pwoteyin pou ede tibebe w la grandi.
LÈT MATÈNÈL EDE PWOTEJE TIBEBE W LA KONT MALADI
Pwoteksyon sa inik epi chanje pou satisfè bezwen tibebe w la.
Tibebe ki nan alètman yo gen mwens risk:
- Opresyon
- Obezite
- Dyabèt tip 1
- Enfeksyon nan zòrèy ak poumon
- Dyare ak vomisman
- Pwoblèm nan sistèm dijestif yo
“Mwen te deside bay tete pou avantaj sante yo — pa sèlman pou mwen men pou tibebe mwen an tou. Bay tete founi tibebe mwen an tout eleman nitritif li bezwen yo”.
– Danielle, nouvo manman
BAY TETE REDUI RISK SIDS
Tibebe yo ki nan alètman oswa ke yo bay lèt matènèl ke yo tire, gen mwens risk pou sendwòm lanmò sibit tibebe (SIDS) konpare ak tibebe ki pa te janm pran lèt tete. Plis tan ou bay tibebe w la sèlman lèt tete se mwens risk tibebe w la genyen pou SIDS.
LÈT TRANSFÒME PI DIFISIL POU DIJERE
Pou anpil tibebe, lèt matènèl pi fasil pou dijere pase lèt transfòme. Amwenske founisè swen sante tibebe w la di w bay sipleman avèk lèt transfòme pou rezon medikal, li pi bon pou w bay tibebe w la lèt matènèl.
Avantaj pou Manman
BAY TETE RANN LAVI PI FASIL
Bay tete ka sanble li mande plis efò pase bay lèt transfòme, men li ka rann lavi w pi fasil yon fwa ou menm ak tibebe w la antre nan yon bon woutin.
Lè ou bay tete:
- Ou ka satisfè grangou tibebe w la touswit
- Ou pa oblije achte, mezire ak melanje lèt transfòme
- Ou pa bezwen chofe bibwon nan mitan lannuit
- Ou pa oblije fè deplasman anplis pou w ale nan magazen pou jwenn lèt transfòme
Epitou, tibebe ki nan alètman tete yo ka tonbe malad mwen souvan pase tibebe ki nan lèt transfòme yo. Sa vle di mwens:
- Tan andeyò travay ou pou pran swen timoun malad
- Deplasman pou ale kay doktè
- Lajan ki depanse nan ko-peman ak medikaman
BAY TETE EDE MANMAN AK TIBEBE A KREYE KONEKSYON
Touche moun pi enpòtan pou tibebe ki fenk fèt yo. Li ede yo santi yo an sekirite, rekonfòte ak renmen. Manman ki bay tete benefisye rapwochman sa tou. Kontak po-a-po a ede lèt ou sikile epi kapab kalme w pandan w ap bay tete.
“Etabli konfyans avèk tibebe ki fenk fèt mwen an se pi bon santiman nan monn lan”. – Rosa, manman ki bay tete
“Bay tete se yon bagay ke sèlman mwen menm ki ka founi li pou tibebe mwen k ap grandi a. Se yon koneksyon espesyal”. – Marianna, manman ki bay tete
-
Èske ou te konnen?
Tibebe w la ka pran sant ou epi konnen odè inik lèt ou.
Èske ou te konnen?
Tibebe w la ka pran sant ou epi konnen odè inik lèt ou.
BAY TETE BON POU SANTE MANMAN
Manman ki bay tete yo rekipere apre akouchman pi vit ak pi fasil. Yo gen mwens risk:
- Dyabèt tip 2
- Tansyon wo
- Kansè nan ovè
- Kèk kalite kansè nan tete
- Bay tete ka ede w pèdi pwa tou Anpil fanm ki te bay tete te di sa te ede yo tounen nan pwa yo te genyen anvan gwosès la pi vit. Bay tete esklizivman kapab boule jiska 600 kalori chak jou.
Bay tete ka ede w pèdi pwa tou Anpil fanm ki te bay tete te di sa te ede yo tounen nan pwa yo te genyen anvan gwosès la pi vit. Bay tete esklizivman kapab boule jiska 600 kalori chak jou.
